تری دلبری سلامت مرے غم کا بول بالا

تری دلبری سلامت مرے غم کا بول بالا

مری آتش دروں سے ترے گھر میں ہے اجالا

یہ مرا خلوص باطن وہ رقیب کی نمائش

یہاں آنسوؤں کے موتی وہاں موتیوں کی مالا

ترا حسن فتنہ ساماں مرا عشق والہانہ

یہ جنوں تو وہ قیامت پڑا آفتوں سے پالا

مری خامشی جہالت مرا بولنا بغاوت

مرے ذوق آگہی نے مجھے امتحاں میں ڈالا

تو یہ میکدہ ہے ناصح یہاں خود سنبھل کے رہیو

یہاں ہر رواج الٹا یہاں ہر بشر نرالا

وہی تیرا آستانہ وہی غم نصیب صابرؔ

تو نے بارہا اگرچہ بڑی بے رخی سے ٹالا

tiri dilbari salamat mire gham ka bol bala

miri atish-e-darun se tire ghar mein hai ujala

ye mira khulus-e-batin wo raqib ki numaish

yahan ansuon ke moti wahan motiyon ki mala

tira husn fitna saman mira ishq walhana

ye junun to wo qayamat para afaton se pala

miri khamushi jahalat mira bolna baghawat

mire zauq-e-agahi ne mujhe imtihan mein dala

to ye maikada hai naseh yahan khud sambhal ke rahiyo

yahan har riwaj ulta yahan har bashar nirala

wahi tera astana wahi gham nasib sabir

tu ne barha agarche bari be rukhi se tala