پری کے آنے کے امکان بنتے جاتے ہیں

پری کے آنے کے امکان بنتے جاتے ہیں

یہ دشت سارے گلستان بنتے جاتے ہیں

عجب ہوس ہے محلے میں تخت جیتنے کی

یہ لوگ ہیں کہ سلیمان بنتے جاتے ہیں

میں ان کو دیکھ کے چاہوں کے وہ گلے لگ جائیں

وہ مجھ کو دیکھ کے انجان بنتے جاتے ہیں

وہ جتنے سوچ کے مشکل سوال کرتا ہے

جواب اتنے ہی آسان بنتے جاتے ہیں

انہیں میں شعر کی صورت کبھی اگل دوں گا

جو دل میں درد کے طوفان بنتے جاتے ہیں

عجیب کوزہ گری سے دماغ جڑ گیا ہے

گلاب سوچ لوں گلدان بنتے جاتے ہیں

کسی فقیر کے حجرے میں بیٹھنے کے بعد

جو آدمی ہیں وہ انسان بنتے جاتے ہیں

pari ke ane ke imkan bante jate hain

ye dasht sare gulistan bante jate hain

ajab hawas hai mohalle mein takht jitne ki

ye log hain ke sulaiman bante jate hain

main un ko dekh ke chahon ke wo gale lag jaen

wo mujh ko dekh ke anjan bante jate hain

wo jitne soch ke mushkil sawal karta hai

jawab itne hi asan bante jate hain

unhen mein sher ki surat kabhi ugal dunga

jo dil mein dard ke tufan bante jate hain

ajib kuza giri se dimagh jur gaya hai

gulab soch lun guldan bante jate hain

kisi faqir ke hujre mein baithne ke baad

jo admi hain wo insan bante jate hain