کبھی کبھی میں انہیں دل میں آن رکھتا ہوں

کبھی کبھی میں انہیں دل میں آن رکھتا ہوں

پھر ایک خواب میں دونوں جہان رکھتا ہوں

جب آسمان سبھی کے سروں پہ قائم ہے

تو کس کے واسطے میں سائبان کرتا ہوں

میں لفظ و معنی بدلتے ہوئے سر قرطاس

پلٹ کے پھر وہی نوحہ بیان رکھتا ہوں

ازل سے ایک ہی نقصان کھا رہا ہے مجھے

ازل سے خود کو فقط رائیگان رکھتا ہوں

صدائے کن پہ بنا آدمی کی رکھی گئی

اس ایک صوت پہ میں اپنے کان رکھتا ہوں

عجیب رمز ہے قرطاس اور لکیر کے بیچ

زمین کھینچتا ہوں آسمان رکھتا ہوں

پرانا عکس نیا عکس بن کے ابھرے گا

میں آئنہ کے مقابل گمان رکھتا ہوں

وہ میرے واسطے کیا کیا سنبھالے رکھتا ہے

میں اس کے واسطے کس کس کا دھیان رکھتا ہوں

kabhi kabhi main unhen dil mein an rakhta hun

phir ek khwab mein donon jahan rakhta hun

jab asman sabhi ke saron pe qaim hai

to kis ke waste main saiban karta hun

main lafz-o-maani badalte hue sar-e-qirtas

palat ke phir wahi nauha bayan rakhta hun

azal se ek hi nuqsan kha raha hai mujhe

azal se khud ko faqat raigan rakhta hun

sadae kin pe bana admi ki rakhi gai

us ek saut pe main apne kan rakhta hun

ajib ramz hai qirtas aur lakir ke bich

zamin khinchta hun asman rakhta hun

purana aks naya aks ban ke ubhrega

main aina ke muqabil guman rakhta hun

wo mere waste kya kya sambhale rakhta hai

main us ke waste kis kis ka dhyan rakhta hun