زمیں پہ بیٹھ کے بے اختیار ڈھونڈھتا ہوں

زمیں پہ بیٹھ کے بے اختیار ڈھونڈھتا ہوں

میں آسمان کا گرد و غبار ڈھونڈھتا ہوں

مجھے پتہ ہے کسی میں یہ شے نہیں موجود

ہر ایک شخص میں کیوں اعتبار ڈھونڈھتا ہوں

اکیلا بیٹھ کے مسجد کے ایک کونے میں

کمال کرتا ہوں پروردگار ڈھونڈھتا ہوں

کہ آئنے میں کئی آئینے کئے تخلیق

سو ایک چہرے میں چہرے ہزار ڈھونڈھتا ہوں

تمہاری یاد تو رکھی ہے جیب میں میں نے

یہ کیوں ادھر سے ادھر بار بار ڈھونڈھتا ہوں

میں ایسے عالم وحشت میں ہوں کہ تنہائی

پکارتی ہے مجھے میں پکار ڈھونڈھتا ہوں

مرے لئے تو خط انتظار کھینچتی ہے

ترے لئے میں خط انتظار ڈھونڈھتا ہوں

zamin pe baith ke be ikhtiyar dhundhta hun

main asman ka gard-o-ghubar dhundhta hun

mujhe pata hai kisi mein ye shai nahin maujud

har ek shakhs mein kyun etibar dhundhta hun

akela baith ke masjid ke ek kone mein

kamal karta hun parwardigar dhundhta hun

ke aine mein kai aine kiye takhliq

so ek chehre mein chehre hazar dhundhta hun

tumhari yad to rakhi hai jeb mein main ne

ye kyun idhar se idhar bar bar dhundhta hun

main aise alam-e-wahshat mein hun ke tanhai

pukarti hai mujhe main pukar dhundhta hun

mire liye to khat intizar khinchti hai

tire liye main khat intizar dhundhta hun