ذہن میرا قیاس پہنے ہوئے

ذہن میرا قیاس پہنے ہوئے

دل ہے خوف و ہراس پہنے ہوئے

اس کی آنکھوں میں سات دریا ہیں

اور مرے ہونٹ پیاس پہنے ہوئے

بھیڑیے نے عجیب چال چلی

چھپ گیا سبز گھاس پہنے ہوئے

بیٹھ جاتے ہیں بام و در اکثر

آئنے آس پاس پہنے ہوئے

ہیں جو منہ بولے کچھ فقیر میاں

یہ لبادے ہیں خاص پہنے ہوئے

بات کرتا ہے شام سناٹا

خامشی کا لباس پہنے ہوئے

شب ہجران ایک سایہ مجھے

کیوں ڈراتا ہے ماس پہنے ہوئے

zehn mera qayas pahne hue

dil hai khauf-o-hiras pahne hue

us ki ankhon mein sat dariya hain

aur mire hont pyas pahne hue

bheriye ne ajib chal chali

chhup gaya sabz ghas pahne hue

baith jate hain bam-o-dar aksar

aine as pas pahne hue

hain jo munh bole kuchh faqir miyan

ye labade hain khas pahne hue

bat karta hai sham sannata

khamushi ka libas pahne hue

shab-e-hijran ek saya mujhe

kyun darata hai mas pahne hue