اپنے تصورات سے آگے نکل گیا

اپنے تصورات سے آگے نکل گیا

کل شب میں کائنات سے آگے نکل گیا

سورج کو دیکھنے کے لئے میں دم سحر

بے اختیار رات سے آگے نکل گیا

وہ پتھروں کو کرنے لگا آئینہ صفت

میں حد ممکنات سے آگے نکل گیا

منظر بہت کھلے مری آنکھوں کے سامنے

لیکن میں واقعات سے آگے نکل گیا

میں ہاں اور اک نہیں کے ابھی درمیان ہوں

میرا وجود ذات سے آگے نکل گیا

apne tasawwurat se age nikal gaya

kal shab mein kainat se age nikal gaya

suraj ko dekhne ke liye main dam-e-sahar

be ikhtiyar rat se age nikal gaya

wo pattharon ko karne laga aina sifat

main had-e-mumkinat se age nikal gaya

manzar bahut khule miri ankhon ke samne

lekin main waqiat se age nikal gaya

main han aur ik nahin ke abhi darmiyan hun

mera wajud zat se age nikal gaya