ہو گئی سیر جہاں کنج جہاں تک آ گئے

ہو گئی سیر جہاں کنج جہاں تک آ گئے

اپنے گھر سے نکلے اپنے آشیاں تک آ گئے

پیکر فانی سے روح جاوداں تک آ گئے

تجھ تلک آ جائیں گے جب ہم یہاں تک آ گئے

زندگی بھر اک سراب تیز رو کے پیچھے ہم

جاتے جاتے ایک صحرائے رواں تک آ گئے

اک قدم آئے نہ آئے تو یہ تیری ہے رضا

ہم کو آنا تھا سو تیرے آستاں تک آ گئے

جانے کن عریانیوں پر ٹوٹ کر برسیں گے یہ

آج چند اشعار امڈ کر پھر زباں تک آ گئے

ho gai sair-e-jahan kunj-e-jahan tak a gae

apne ghar se nikle apne ashiyan tak a gae

paikar-e-fani se ruh-e-jawedan tak a gae

tujh talak a jaenge jab ham yahan tak a gae

zindagi bhar ik sarab-e-tez ro ke pichhe ham

jate jate ek sahra-e-rawan tak a gae

ik qadam ae na ae to ye teri hai raza

ham ko ana tha so tere astan tak a gae

jane kin uryaniyon par tut kar barsenge ye

aj chand ashar umad kar phir zaban tak a gae