منظر شہر ہے خوں بار ذرا دیر سے آ

منظر شہر ہے خوں بار ذرا دیر سے آ

رو رہے ہیں در و دیوار ذرا دیر سے آ

تیز ہے وقت کی رفتار خدا خیر کرے

لمحہ لمحہ ہے گراں بار ذرا دیر سے آ

میں ترے خواب کا حاصل ہوں تو مایوس نہ ہو

رات بھر رہتا ہوں بیدار ذرا دیر سے آ

شہر اخلاص میں اک آگ لگی ہے ہر سو

کچھ قیامت کے ہیں آثار ذرا دیر سے آ

جب مناظر نہ ہوں غمگین نہ چہرے ہوں اداس

تب مناؤں گا میں تیوہار ذرا دیر سے آ

لاش رکھی ہے ابھی مشق ستم کرنے کو

دیر سے آ اے عزا دار ذرا دیر سے آ

manzar-e-shahr hai khun bar zara der se a

ro rahe hain dar-o-diwar zara der se a

tez hai waqt ki raftar khuda khair kare

lamha lamha hai giran bar zara der se a

main tire khwab ka hasil hun to mayus na ho

rat bhar rahta hun bedar zara der se a

shahr ikhlas mein ik ag lagi hai har su

kuchh qayamat ke hain asar zara der se a

jab manazir na hun ghamgin na chehre hun udas

tab manaunga mein tewhar zara der se a

lash rakhi hai abhi mashq-e-sitam karne ko

der se a ai aza dar zara der se a