ہم دل فدا کریں کہ تصدق جگر کریں

ہم دل فدا کریں کہ تصدق جگر کریں

جو بھی کہیں حضور وہی عمر بھر کریں

کچھ اب تو آپ چارۂ درد جگر کریں

مجھ پر نہیں تو اپنے کرم پر نظر کریں

کچھ بات ہے لبوں پہ جو مہر سکوت ہے

کرنے کو نالے شام سے ہم تا سحر کریں

طول شب فراق سے گھبرا گیا ہے جی

اے کاش آپ قصہ مرا مختصر کریں

لے چپکے چپکے کام کیے جا غم فراق

دنیا کو گھر کی بات سے کیا با خبر کریں

نادرؔ یہی ہے اصل میں معراج بندگی

یاد ان کی ان کے عشق سے بھی پیشتر کریں

ham dil fida karen ke tasadduq jigar karen

jo bhi kahin huzur wahi umr bhar karen

kuchh ab to ap chara-e-dard-e-jigar karen

mujh par nahin to apne karam par nazar karen

kuchh bat hai labon pe jo mehr-e-sukut hai

karne ko nale sham se ham ta sahar karen

tul-e-shab-e-firaq se ghabra gaya hai ji

ai kash ap qissa mira mukhtasar karen

le chupke chupke kam kiye ja gham-e-firaq

duniya ko ghar ki bat se kya ba khabar karen

nadir yahi hai asl mein meraj-e-bandagi

yad un ki un ke ishq se bhi peshtar karen