تری رحمتوں کا طالب مجھے آس تیرے در سے

تری رحمتوں کا طالب مجھے آس تیرے در سے

یہ قدم بہک نہ جائے مری مفلسی کے ڈر سے

ہے تونگروں کا میلہ تو غریب ہے اکیلا

ترا دل نہ ٹوٹ جائے تو ابھی نہ جا ادھر سے

کئی جام خالی کرکے وہ ابھی بھی ہوش میں ہیں

میں نشہ میں ہوں قسم سے میں نے پی جو لی نظر سے

اسے خوف نے کنارے پہ پہنچنے نہ دیا تھا

مجھے مل گیا تھا ساحل مرے حوصلوں کے ڈر سے

نہیں برگ و گل ہیں جن پر وہی تن کے سب کھڑے ہیں

وہ شجر تو فیض والا ہے جھکا ہوا ثمر سے

مرے غم گسار تجھ کو تری رہبری مبارک

میں خود اپنا رہنما ہوں مجھے کام ہے سفر سے

tiri rahmaton ka talib mujhe as tere dar se

ye qadam bahak na jae miri muflisi ke dar se

hai tawangaron ka mela to gharib hai akela

tira dil na tut jae to abhi na ja idhar se

kai jam khali karke wo abhi bhi hosh mein hain

main nasha mein hun qasam se main ne pi jo li nazar se

use khauf ne kinare pe pahunchne na diya tha

mujhe mil gaya tha sahil mire hauslon ke dar se

nahin barg-o-gul hain jin par wahi tan ke sab khare hain

wo shajar to faiz wala hai jhuka hua samar se

mire gham gusar tujh ko tiri rahbari mubarak

main khud apna rahnuma hun mujhe kam hai safar se