مصیبت کے بھنور میں بھی شناور وہ سنبھلتا ہے

مصیبت کے بھنور میں بھی شناور وہ سنبھلتا ہے

یقیں ہو جس کو خود پر وہ تلاطم سے نکلتا ہے

ہتھیلی کی لکیروں سے نجومی کی ہی باتوں سے

نکما اور کاہل تو خوشی سے بس اچھلتا ہے

وفا کی راہ میں ہمدم غریبی ہو گئی حائل

تجھے پانے کی خواہش میں مرا تو دل مچلتا ہے

ہواؤں سے نہ گھبراؤ چراغوں کو جلانے دو

شجاعت دیکھ کر اپنی عدو کا دل دہلتا ہے

گئے وہ دن بنی آدم کہا کرتے تھے سچ ہر دم

زباں کو حضرت انساں لباسوں سا بدلتا ہے

سرابوں میں نہ پانی ہے حقیقت یہ پرانی ہے

مگر رہبر ہمارا کیوں نہیں رستہ بدلتا ہے

انا کی تم پرستش کو اصولوں میں گناتے ہو

یہ پروانہؔ مگر بس انکساری سے پگھلتا ہے

musibat ke bhanwar mein bhi shanaor wo sambhalta hai

yaqin ho jis ko khud par wo talatum se nikalta hai

hatheli ki lakiron se nujumi ki hi baton se

nikamma aur kahil to khushi se bas uchhalta hai

wafa ki rah mein hamdam gharibi ho gai hail

tujhe pane ki khwahish mein mira to dil machalta hai

hawaon se na ghabrao charaghon ko jalane do

shujaat dekh kar apni adu ka dil dahalta hai

gae wo din bani adam kaha karte the sach har dam

zaban ko hazrat-e-insan libason sa badalta hai

sarabon mein na pani hai haqiqat ye purani hai

magar rahbar hamara kyun nahin rasta badalta hai

ana ki tum parastish ko usulon mein ginate ho

ye parwana magar bas inkisari se pighalta hai