سب منافق ہی نظر آتے ہیں باطل کے سوا

سب منافق ہی نظر آتے ہیں باطل کے سوا

ہیں سبھی شاد مرے قتل پہ قاتل کے سوا

اشک آنکھوں سے گناہوں کی ندامت میں بہے

تب بھنور سے نہ کہیں پہنچا میں ساحل کے سوا

خواب دیکھو ہے ترقی کی ضمانت بے شک

سب کو تعبیر مگر ملتی ہے کاہل کے سوا

مسلکی جھگڑے فروعی یہ مسائل کو لئے

آگ عالم ہی لگاتے ہیں یہ جاہل کے سوا

ہوش میں مے وہ تصوف کی ہی پینے سے رہے

ہوش والے سبھی غفلت میں تھے غافل کے سوا

ہم پہ الزام جو غدار وطن کا دھرتے

اور ہو سکتے نہیں وہ کوئی بزدل کے سوا

چاپلوسی سے ریا کاری سے بے غیرتی سے

تم بنوگے سبھی کچھ رہبر کامل کے سوا

بھوک شہرت کی تجھے دیکھ نہ گمنام کرے

کام کر نام بھی ہوگا ترا حاصل کے سوا

شکوہ ہر دم ہی تعصب کا نہ پروانہؔ کرو

تم ہو قابل تو ملے کچھ بھی نہ منزل کے سوا

sab munafiq hi nazar ate hain batil ke siwa

hain sabhi shad mire qatl pe qatil ke siwa

ashk ankhon se gunahon ki nadamat mein bahe

tab bhanwar se na kahin pahuncha mein sahil ke siwa

khwab dekho hai taraqqi ki zamanat be shak

sab ko taabir magar milti hai kahil ke siwa

maslaki jhagre faroi ye masail ko liye

ag alam hi lagate hain ye jahil ke siwa

hosh mein mai wo tasawwuf ki hi pine se rahe

hosh wale sabhi ghaflat mein the ghafil ke siwa

ham pe ilzam jo ghaddar-e-watan ka dharte

aur ho sakte nahin wo koi buzdil ke siwa

chaplusi se riya kari se be ghairati se

tum banoge sabhi kuchh rahbar-e-kamil ke siwa

bhuk shohrat ki tujhe dekh na gumnam kare

kam kar nam bhi hoga tira hasil ke siwa

shikwa har dam hi taassub ka na parwana karo

tum ho qabil to mile kuchh bhi na manzil ke siwa