ادھورا ہی رہے ہر راستہ تو

ادھورا ہی رہے ہر راستہ تو

نا پہنچے منزلوں تک سلسلہ تو

جسے چاہیں وہی کھو جائے ہم سے

ہمارے ساتھ پھر ایسا ہوا تو

جہاں آوارگی بکھری پڑی ہو

میں اس رستہ سے منزل پا گیا تو

تجھے پانے میں خود کو بھول بیٹھا

تجھے پا کر بھی میں تنہا رہا تو

یقیں کر کے ترے پیچھے چلے ہیں

نظر آئے نا پھر بھی راستہ تو

adhura hi rahe har rasta to

na pahunche manzilon tak silsila to

jise chahen wahi kho jae ham se

hamare sath phir aisa hua to

jahan awargi bikhri pari ho

main is rasta se manzil pa gaya to

tujhe pane mein khud ko bhul baitha

tujhe pa kar bhi main tanha raha to

yaqin kar ke tire pichhe chale hain

nazar ae na phir bhi rasta to