شام سے ضد پر اڑے ہیں

شام سے ضد پر اڑے ہیں

خواب پلکوں پر کھڑے ہیں

یہ شکن آلود بستر

نیند کے ٹکڑے پڑے ہیں

رات کی کالی ردا میں

قیمتی موتی جڑے ہیں

رات بھر پاگل ہوا سے

گھر کے دروازے لڑے ہیں

ہو سکے تو سر جھکا لے

وقت کے تیور کڑے ہیں

sham se zid par ure hain

khwab palkon par khare hain

ye shikan alud bistar

nind ke tukre pare hain

rat ki kali rida mein

qimti moti jure hain

rat bhar pagal hawa se

ghar ke darwaze lare hain

ho sake to sar jhuka le

waqt ke tewar kare hain