پھر سے وہ لوٹ کر نہیں آیا

پھر سے وہ لوٹ کر نہیں آیا

پھر دعا میں اثر نہیں آیا

چین آئے گا کیسے آج کی شب

تارے نکلے، قمر نہیں آیا

لکھتے دیکھا تھا خواب میں ان کو

اب تلک نامہ بر نہیں آیا

میرے مرنے پہ آیا سارا جہاں

جو تھا اک با خبر نہیں آیا

چل بسی ماں لئے کھلی آنکھیں

اس کا، نور نظر نہیں آیا

یوں تو پتھر بہت سے دیکھے ہیں

کوئی تم سا نظر نہیں آیا

شام ڈھلنے لگی ہے اب مفتیؔ

صبح کا بھولا گھر نہیں آیا

phir se wo laut kar nahin aya

phir dua mein asar nahin aya

chain aega kaise aj ki shab

tare nikle, qamar nahin aya

likhte dekha tha khwab mein un ko

ab talak nama bar nahin aya

mere marne pe aya sara jahan

jo tha ik ba khabar nahin aya

chal basi man liye khuli ankhen

us ka, nur-e-nazar nahin aya

yun to patthar bahut se dekhe hain

koi tum sa nazar nahin aya

sham dhalne lagi hai ab mufti

subh ka bhula ghar nahin aya