برق نے جب بھی آنکھ کھولی ہے

برق نے جب بھی آنکھ کھولی ہے

آشیانوں نے خاک رولی ہے

یاد کا کیا ہے آ گئی پھر سے

آنکھ کا کیا ہے پھر سے رو لی ہے

تم بچھا لو مصلیٔ چاہت

میں نے دہلیز دل کی دھو لی ہے

دل کی باتوں کو دل سمجھتا ہے

دل کی بولی عجیب بولی ہے

پردہ اٹھتے ہی میری نظروں سے

کائنات یقین ڈولی ہے

مسکرائے نہ چاند کیوں مفتیؔ

آئی جو چاندنی کی ڈولی ہے

barq ne jab bhi ankh kholi hai

ashiyanon ne khak rauli hai

yad ka kya hai a gai phir se

ankh ka kya hai phir se ro li hai

tum bichha lo musalli-e-chahat

main ne dahliz dil ki dho li hai

dil ki baton ko dil samajhta hai

dil ki boli ajib boli hai

parda uthte hi meri nazron se

kainat-e-yaqin doli hai

muskurae na chand kyun mufti

ai jo chandni ki doli hai