ہم سے ملتے تھے ستارے آپ کے

ہم سے ملتے تھے ستارے آپ کے

پھر بھی کھو بیٹھے سہارے آپ کے

کیسا جادو ہے سمجھ آتا نہیں

نیند میری خواب سارے آپ کے

ہم سے شاید معتبر ٹھہری صبا

جس نے یہ گیسو سنوارے آپ کے

آپ کی نظر کرم کے منتظر

کب سے بیٹھے ہیں دوارے آپ کے

کوئی اس کی آنکھ کو بھائے گا کیوں

جس نے دیکھے ہوں نظارے آپ کے

بن ترے سانسیں بھی اب چلتی نہیں

ہر گھڑی چاہیں، اشارے آپ کے

مسکرا کر دیکھیے تو ایک بار

کہکشاں، یہ چاند تارے آپ کے

جھوٹ ہے مفتیؔ بھلا بیٹھے ہو سب

کیوں تھے پلکوں پر ستارے آپ کے

ham se milte the sitare ap ke

phir bhi kho baithe sahare ap ke

kaisa jadu hai samajh ata nahin

nind meri khwab sare ap ke

ham se shayad motabar thahri saba

jis ne ye gesu sanware ap ke

ap ki nazar karam ke muntazir

kab se baithe hain dware ap ke

koi us ki ankh ko bhaega kyun

jis ne dekhe hun nazare ap ke

bin tire sansen bhi ab chalti nahin

har ghari chahen, ishare ap ke

muskura kar dekhiye to ek bar

kahkashan, ye chand tare ap ke

jhut hai mufti bhula baithe ho sab

kyun the palkon par sitare ap ke