کبھی سکون کبھی ہم گھٹن کی نذر ہوئے

کبھی سکون کبھی ہم گھٹن کی نذر ہوئے

ہم ایسے لوگ تو اپنے ہی من کی نذر ہوئے

پرانے عشق کی چوٹیں ابھی بدن پر تھیں

سو عشق چھوڑ دیا اور بدن کی نذر ہوئے

تمام عمر گزاری ہے شعر کہنے میں

ہمارے رات بھی دن بھی سخن کی نذر ہوئے

یہ کس کے خون سے رنگی گئی ہیں دیواریں

یہ کس کے خواب تھے جو اس چمن کی نذر ہوئے

نظر اٹھا کے جو دیکھا پلک جھپکنے لگی

تمہاری دید کے منظر کرن کی نذر ہوئے

ہماری عشق سے فرحتؔ کبھی بنی ہی نہیں

بس اس کی بات رکھی اور ملن کی نذر ہوئے

kabhi sukun kabhi ham ghutan ki nazr hue

ham aise log to apne hi man ki nazr hue

purane ishq ki choten abhi badan par thin

so ishq chhor diya aur badan ki nazr hue

tamam umr guzari hai sher kahne mein

hamare rat bhi din bhi sukhan ki nazr hue

ye kis ke khun se rangi gai hain diwaren

ye kis ke khwab the jo is chaman ki nazr hue

nazar utha ke jo dekha palak jhapakne lagi

tumhari did ke manzar kiran ki nazr hue

hamari ishq se farhat kabhi bani hi nahin

bas us ki bat rakhi aur milan ki nazr hue