میں جل گیا تھا جسے راستہ دکھاتے ہوئے

میں جل گیا تھا جسے راستہ دکھاتے ہوئے

اسے ترس نہیں آیا مجھے بجھاتے ہوئے

ترے وصال سے بہتر تو ہجر ہوتا ہے

ترے قریب میں آتا ہوں دور جاتے ہوئے

نجانے کون سے کوزہ گروں کے ہاتھ لگا

بہت ادھیڑا گیا ہے مجھے بناتے ہوئے

مہک بدن سے ابھی تک نہیں گئی اس کی

وہ جس نے خوشبو بکھیری گلے لگاتے ہوئے

عجیب طرح کی وحشت ہے میرے چاروں طرف

کہ اب تو خواب بھی ڈرتے ہیں مجھ تک آتے ہوئے

مجھ ایسے شخص کو ضائع کیا گیا فرحتؔ

بھلا دی جیسے کوئی شے کہیں چھپاتے ہوئے

main jal gaya tha jise rasta dikhate hue

use taras nahin aya mujhe bujhate hue

tire wisal se behtar to hijr hota hai

tire qarib mein ata hun dur jate hue

nijane kaun se kuza garon ke hath laga

bahut udhera gaya hai mujhe banate hue

mahak badan se abhi tak nahin gai us ki

wo jis ne khushbu bikheri gale lagate hue

ajib tarah ki wahshat hai mere charon taraf

ke ab to khwab bhi darte hain mujh tak ate hue

mujh aise shakhs ko zae kiya gaya farhat

bhula di jaise koi shai kahin chhupate hue