سچ ہوا خواب تو تعبیر نہیں کھینچ سکا

سچ ہوا خواب تو تعبیر نہیں کھینچ سکا

میں ترے جسم پہ تحریر نہیں کھینچ سکا

میں نے چاہا تھا ترے درد سے محظوظ رہوں

درد بھی وہ کہ جسے میرؔ نہیں کھینچ سکا

مدتوں بعد ترے ساتھ کسی کو دیکھا

اتنا گھبرایا کہ تصویر نہیں کھینچ سکا

وہ نظر آئی مجھے ریل کی کھڑکی سے مگر

طے شدہ وقت میں زنجیر نہیں کھینچ سکا

روز لڑتا ہوں میں خود اپنے ہی سائے کے خلاف

وہ شجر ہوں کہ جو رہ گیر نہیں کھینچ سکا

تیرے شانے کو میسر ہیں سبھی سر لیکن

اپنے شانے میں وہ تاثیر نہیں کھینچ سکا

sach hua khwab to taabir nahin khinch saka

main tire jism pe tahrir nahin khinch saka

main ne chaha tha tire dard se mahzuz rahun

dard bhi wo ke jise mir nahin khinch saka

muddaton baad tire sath kisi ko dekha

itna ghabraya ke taswir nahin khinch saka

wo nazar ai mujhe rel ki khirki se magar

tai shuda waqt mein zanjir nahin khinch saka

roz larta hun main khud apne hi sae ke khilaf

wo shajar hun ke jo rah gir nahin khinch saka

tere shane ko muyassar hain sabhi sar lekin

apne shane mein wo tasir nahin khinch saka