خود اداسی میں تو اپنی یہ کمی رکھی ہے

خود اداسی میں تو اپنی یہ کمی رکھی ہے

ساتھ جب تک ہے وہ چہرے پہ ہنسی رکھی ہے

وہ کبھی سوکھتے پیڑوں کو تو پانی دے گا

میں نے اس واسطے اک ٹہنی ہری رکھی ہے

وقت سے بڑھ کے اذیت ہی نہیں دنیا میں

جانے کس واسطے اللہ نے گھڑی رکھی ہے

جو اداسی کی ضرورت ہو تو مجھ سے کہنا

میرے ہاتھوں کی لکیروں میں جھڑی رکھی ہے

کتنے ہی سانپ یہاں آ کے پڑے رہتے ہیں

اس لیے آستیں دل سے بھی بڑی رکھی ہے

khud udasi mein to apni ye kami rakhi hai

sath jab tak hai wo chehre pe hansi rakhi hai

wo kabhi sukhte peron ko to pani dega

main ne is waste ik tahni hari rakhi hai

waqt se barh ke aziyyat hi nahin duniya mein

jane kis waste allah ne ghari rakhi hai

jo udasi ki zarurat ho to mujh se kahna

mere hathon ki lakiron mein jhari rakhi hai

kitne hi sanp yahan a ke pare rahte hain

is liye astin dil se bhi bari rakhi hai