سارے عالم کا یہی ارمان ہونا چاہئے

سارے عالم کا یہی ارمان ہونا چاہئے

تو نہیں تو یہ جہاں ویران ہونا چاہئے

عشق میں بس فائدے اچھے نہیں ہوتے جناب

عشق میں تھوڑا بہت نقصان ہونا چاہئے

جسم کو آغوش میں لیتے ہو پر سوچا کبھی

روح کا بھی کچھ سر و سامان ہونا چاہئے

اس دغا بازی کو کب تک عشق میں سہتے رہیں

بے وفائی کا بھی کچھ امکان ہونا چاہئے

اب کہ اک محبوب ایسا ڈھونڈئیے فرحتؔ کہ جو

خوبصورت ہو نہ ہو نادان ہونا چاہئے

sare alam ka yahi arman hona chahiye

to nahin to ye jahan wiran hona chahiye

ishq mein bas faide achchhe nahin hote janab

ishq mein thora bahut nuqsan hona chahiye

jism ko aghosh mein lete ho par socha kabhi

ruh ka bhi kuchh sar-o-saman hona chahiye

is dagha bazi ko kab tak ishq mein sahte rahen

be wafai ka bhi kuchh imkan hona chahiye

ab ke ik mahbub aisa dhundiye farhat ke jo

khubsurat ho na ho nadan hona chahiye