کیسی تنہائی ہے نظاروں میں — Ehsaan Sabz

Arooz is now on the App Store, for iPhone and iPad. Download →

کیسی تنہائی ہے نظاروں میں

سانس رکتا ہے خار زاروں میں

یہ جو چہرہ ہے کتنا بوجھل ہے

درد ہے کس قدر شراروں میں

میں اسے یاد کر کے روتا ہوں

بس وہی ایک تھا ہزاروں میں

خوشبوئیں اس کی ساتھ لاتے ہیں

پھول کھلتے ہیں جب بہاروں میں

آج کھڑکی میں اس نے آنا ہے

لگ گئے ہیں سبھی قطاروں میں

ٹمٹما کر بلا رہے ہیں جو

آؤ چلتے ہیں ان ستاروں میں

یہ جو سب ہیں یہ کتنے دل کش ہیں

فرق کیسے کروں میں پیاروں میں

یہ رکھو یہ تمہارا اپنا ہے

شرم ہوتی نہیں ہے یاروں میں

راستہ ہے نہ جن کی منزل ہے

سبزؔ شامل ہے ان سواروں میں