سفر میں ہم اکیلے تو نہیں تھے

سفر میں ہم اکیلے تو نہیں تھے

محبت تھی جھمیلے تو نہیں تھے

ہمارے دل میں ان کی چاہ تھی بس

ہم ان کے دل سے کھیلے تو نہیں تھے

نمی اس روز تھی چند آنسوؤں کی

ان آنکھوں میں یہ ریلے تو نہیں تھے

تقاضا کر رہے ہیں سب ہی لیکن

وہ فاقے سب نے جھیلے تو نہیں تھے

تھا منظر مختلف کچھ سبز کل تک

ہتھیلی پر یہ ڈھیلے تو نہیں تھے

safar mein ham akele to nahin the

mohabbat thi jhamele to nahin the

hamare dil mein un ki chah thi bas

ham un ke dil se khele to nahin the

nami us roz thi chand ansuon ki

in ankhon mein ye rele to nahin the

taqaza kar rahe hain sab hi lekin

wo faqe sab ne jhele to nahin the

tha manzar mukhtalif kuchh sabz kal tak

hatheli par ye dhile to nahin the