زباں نہ ہوتی قلم نہ ہوتے

زباں نہ ہوتی قلم نہ ہوتے

زمیں نہ ہوتی قدم نہ ہوتے

کوئی جو تھوڑا لحاظ کرتا

کسی پہ اتنے ستم نہ ہوتے

ہمارا چہرہ بھی کھلکھلاتا

جو دل میں رنج و الم نہ ہوتے

کسی بھی رستے پہ چل نکلتے

مگر یوں سوئے عدم نہ ہوتے

ذرا جو خود پر دھیان دیتے

ہمارے عشاق بھی کم نہ ہوتے

کہا کسی کا جو مان لیتے

حیا سے گردن میں خم نہ ہوتے

کہیں بھی ہوتے بنا ہم ان کے

یہاں خدا کی قسم نہ ہوتے

ہزار باتوں کا ہے خلاصہ

جو وہ نہ ہوتے تو ہم نہ ہوتے

zaban na hoti qalam na hote

zamin na hoti qadam na hote

koi jo thora lihaz karta

kisi pe itne sitam na hote

hamara chehra bhi khulkhilata

jo dil mein ranj-o-alam na hote

kisi bhi raste pe chal nikalte

magar yun su-e-adam na hote

zara jo khud par dhyan dete

hamare ushshaq bhi kam na hote

kaha kisi ka jo man lete

haya se gardan mein kham na hote

kahin bhi hote bana ham un ke

yahan khuda ki qasam na hote

hazar baton ka hai khulasa

jo wo na hote to ham na hote