سب طرح کے حالات کو امکان میں رکھا

سب طرح کے حالات کو امکان میں رکھا

ہر لمحہ اسے سوچ میں وجدان میں رکھا

ہجرت کی گھڑی ہم نے ترے خط کے علاوہ

بوسیدہ کتابوں کو بھی سامان میں رکھا

مجھ کو مری قامت کے مطابق بھی جگہ دی

یہ پھول اٹھا کر کبھی گلدان میں رکھا؟

اک عمر گزاری نئے آہنگ سے لیکن

اجداد کی اقدار کو بھی دھیان میں رکھا

اک روز سیہ رات ہتھیلی پہ سجا کر

صحرا نے قدم خطۂ گنجان میں رکھا

ہونٹوں کو سدا رکھا تبسم سے عبارت

اک زہر بجھا تیر بھی مسکان میں رکھا

sab tarah ke halat ko imkan mein rakha

har lamha use soch mein wijdan mein rakha

hijrat ki ghari ham ne tire khat ke alawa

bosida kitabon ko bhi saman mein rakha

mujh ko miri qamat ke mutabiq bhi jagah di

ye phul utha kar kabhi guldan mein rakha?

ik umr guzari nae ahang se lekin

ajdad ki aqdar ko bhi dhyan mein rakha

ik roz-e-siyah rat hatheli pe saja kar

sahra ne qadam khitta-e-gunjan mein rakha

honton ko sada rakha tabassum se ibarat

ik zahr bujha tir bhi muskan mein rakha