کبھی ہوا نے کبھی اڑتے پتھروں نے کیا

کبھی ہوا نے کبھی اڑتے پتھروں نے کیا

ہمیں تو نشر عجب سی وضاحتوں نے کیا

تمام منظر شب ڈھیر ہو گیا دل پر

یہ کیا ستم مرے قدموں کی آہٹوں نے کیا

ہر ایک چیز لگی ٹوٹتی سی باہر کی

کہ جو کیا مرے اندر کے منظروں نے کیا

کھلی نہ آنکھ کبھی ایک پل کو صحرا کی

اگرچہ شور بہت اڑتی بستیوں نے کیا

ادھر تو کچھ نہ تھا یوں ہی وہ آتے جاتے رہے

عجب مذاق سفر سے مسافروں نے کیا

میں اپنے آپ سے ڈرنے لگا بھرے گھر میں

یہ مجھ سے کیا مرے اپنے ہی آئنوں نے کیا

کئی طرح سے گھٹایا بڑھایا سایوں کو

مکاں مکاں پہ یہی کام سورجوں نے کیا

kabhi hawa ne kabhi urte pattharon ne kiya

hamen to nashr ajab si wazahton ne kiya

tamam manzar shab dher ho gaya dil par

ye kya sitam mire qadmon ki ahaton ne kiya

har ek chiz lagi tutti si bahar ki

ke jo kiya mire andar ke manzaron ne kiya

khuli na ankh kabhi ek pal ko sahra ki

agarche shor bahut urti bastiyon ne kiya

idhar to kuchh na tha yun hi wo ate jate rahe

ajab mazaq-e-safar se musafiron ne kiya

main apne ap se darne laga bhare ghar mein

ye mujh se kya mire apne hi ainon ne kiya

kai tarah se ghataya barhaya sayon ko

makan makan pe yahi kam surajon ne kiya