Arooz is now on the App Store, for iPhone and iPad. Download →

All poetry

پچھلے سفر کا عکس زیاں میرے سامنے

Chandra Parkash Shad

پچھلے سفر کا عکس زیاں میرے سامنے

سب بستیاں دھواں ہی دھواں میرے سامنے

کس خطۂ طلب میں اچانک پڑے تھے پاؤں

امڈا ہوا تھا دشت گماں میرے سامنے

جھونکا سا بیت جاؤں کہ دیوار سا رکوں

اک آ پڑی ہے جائے اماں میرے سامنے

شہر صدا پہ ہے کوئی پردہ پڑا ہوا

کوئی گلی نہ کوئی مکاں میرے سامنے

اس پر بھی کیا سبب ہے کہ اٹھتے نہیں قدم

جنگل نہ کوئی کوہ گراں میرے سامنے

دیکھو تو آب جو سی جو چھو لوں تو دھول خاک

کیا شے ہے مثل ریگ رواں میرے سامنے

جس کے سبب رہا ہدف روز و شب ہی میں

ٹوٹی ہے اس افق کی کماں میرے سامنے