موت سے وہ نہ زندگی سے ملے

موت سے وہ نہ زندگی سے ملے

روز و شب کی جو بے خودی سے ملے

ہم نے جانا فریب کھانے پر

کیا صلے ہم کو زندگی سے ملے

بے دلی سے ملے ہمیں احباب

ہم رقیبوں سے بھی خوشی سے ملے

ان کے قدموں پہ جھک گئی دنیا

جو محبت سے عاجزی سے ملے

لاش پر آج آئے رونے کو

عمر بھر سارے بے رخی سے ملے

دل میں حسرت ہے موت کی اے ظہیرؔ

یوں تو ملنے کو ہم سبھی سے ملے

maut se wo na zindagi se mile

roz-o-shab ki jo be khudi se mile

ham ne jana fareb khane par

kya sile ham ko zindagi se mile

be dili se mile hamen ahbab

ham raqibon se bhi khushi se mile

un ke qadmon pe jhuk gai duniya

jo mohabbat se ajizi se mile

lash par aj ae rone ko

umr bhar sare be rukhi se mile

dil mein hasrat hai maut ki ai zahir

yun to milne ko ham sabhi se mile