خودی کو صبر و تحمل سے آشنا رکھنا

خودی کو صبر و تحمل سے آشنا رکھنا

بڑی ہے بات بڑا دل کا حوصلہ رکھنا

اسی سے ہے یہ مری زندگی میں رعنائی

مرا چراغ محبت ہوا جلا رکھنا

نہیں ہے شان اٹھا کر اکڑ کے چلنے میں

ہمیشہ سر کو ادب سے جھکا ہوا رکھنا

نہ جانے کون سا لمحہ ہو اس کی آمد کا

خیال ذہن میں ہر وقت موت کا رکھنا

سنبھال لینا بلندی پہ آسماں کی مجھے

مری اڑان کی تو آبرو ہوا رکھنا

تو اپنے رحم و کرم سے نواز دینا ہمیں

ہماری لاج تو محشر میں اے خدا رکھنا

ظہیرؔ شکر خدا کا ہر ایک پل لازم

لبوں کو شام و سحر طالب دعا رکھنا

khudi ko sabr-o-tahammul se ashna rakhna

bari hai bat bara dil ka hausla rakhna

usi se hai ye miri zindagi mein raanai

mira charagh-e-mohabbat hua jala rakhna

nahin hai shan utha kar akkar ke chalne mein

hamesha sar ko adab se jhuka hua rakhna

na jane kaun sa lamha ho us ki amad ka

khayal zehn mein har waqt maut ka rakhna

sambhal lena bulandi pe asman ki mujhe

miri uran ki to abru hua rakhna

tu apne rahm-o-karam se nawaz dena hamen

hamari laj to mahshar mein ai khuda rakhna

zahir shukr-e-khuda ka har ek pal lazim

labon ko sham-o-sahar talib-e-dua rakhna