رات بھر فرقت کے سائے دل کو دہلاتے رہے

رات بھر فرقت کے سائے دل کو دہلاتے رہے

ذہن میں کیا کیا خیال آتے رہے جاتے رہے

سینکڑوں دل کش بہاریں تھیں ہماری منتظر

ہم تری خواہش میں لیکن ٹھوکریں کھاتے رہے

عمر بھر دیکھا نہ اپنے چاک دامن کی طرف

بس تری الجھی ہوئی زلفوں کو سلجھاتے رہے

جن کی خاطر پی گئے رسوائیوں کا زہر بھی

وہ بھری محفل میں ہم پر طنز فرماتے رہے

تیری خاطر عشق میں برباد ہونا تھا ہوئے

ہم نہ مانے لوگ ہم کو لاکھ سمجھاتے رہے

rat bhar furqat ke sae dil ko dahlate rahe

zehn mein kya kya khayal ate rahe jate rahe

sainkron dil kash baharen thin hamari muntazir

ham tiri khwahish mein lekin thokaren khate rahe

umr bhar dekha na apne chak-e-daman ki taraf

bas tiri uljhi hui zulfon ko sulajhite rahe

jin ki khatir pi gae ruswaiyon ka zahr bhi

wo bhari mahfil mein ham par tanz farmate rahe

teri khatir ishq mein barbad hona tha hue

ham na mane log ham ko lakh samjhate rahe