جو ذہن و دل میں اکٹھا تھا آس کا پانی

جو ذہن و دل میں اکٹھا تھا آس کا پانی

اسے بھی لے گیا ساتھ اپنے یاس کا پانی

میں لے کے آیا تھا ہمراہ جن کو دریا تک

وہ لوگ پی گئے میری بھی پیاس کا پانی

کب اپنے شہر میں سیلاب آنے والا تھا

ہمیں ڈبو کے گیا آس پاس کا پانی

ہزاروں عیب چھپانے کو لگ کے دنیا میں

بدن پہ رکھتے ہیں زریں لباس کا پانی

عجیب وقت ہے زاہد کو بھی ظہیرؔ اب تو

شراب لگتا ہے میرے گلاس کا پانی

jo zehn-o-dil mein ikattha tha as ka pani

use bhi le gaya sath apne yas ka pani

main le ke aya tha hamrah jin ko dariya tak

wo log pi gae meri bhi pyas ka pani

kab apne shahr mein sailab ane wala tha

hamen dubo ke gaya as pas ka pani

hazaron aib chhupane ko lag ke duniya mein

badan pe rakhte hain zarrin libas ka pani

ajib waqt hai zahid ko bhi zahir ab to

sharab lagta hai mere gilas ka pani