سوکھی زمیں کو یاد کے بادل بھگو گئے

سوکھی زمیں کو یاد کے بادل بھگو گئے

پلکوں کو آج بیتے ہوئے پل بھگو گئے

آنسو فلک کی آنکھ سے ٹپکے تمام رات

اور صبح تک زمین کا آنچل بھگو گئے

ماضی کے ابر ٹوٹ کے برسے کچھ اس طرح

مدت سے خشک آنکھوں کے جنگل بھگو گئے

وقت سفر جدائی کے لمحات مضمحل

اک بے وفا کی آنکھ کا کاجل بھگو گئے

میں منظروں میں کھویا ہوا پربتوں کے تھا

آ کر کسی کی یاد کے بادل بھگو گئے

sukhi zamin ko yad ke badal bhigo gae

palkon ko aj bite hue pal bhigo gae

ansu falak ki ankh se tapke tamam rat

aur subh tak zamin ka anchal bhigo gae

mazi ke abr tut ke barse kuchh is tarah

muddat se khushk ankhon ke jangal bhigo gae

waqt-e-safar judai ke lamhat muzmahil

ik be wafa ki ankh ka kajal bhigo gae

main manzaron mein khoya hua parbaton ke tha

a kar kisi ki yad ke badal bhigo gae