جو سن سکو تو سنو تم فغاں چراغوں کی

جو سن سکو تو سنو تم فغاں چراغوں کی

لویں چرا لی گئی ہیں یہاں چراغوں کی

میں خال و خد کے بکھرنے سے بچنا چاہتا ہوں

سو مجھ کو چاہیے کچھ دن اماں چراغوں کی

جسے بھی چاہیے وہ آئے روشنی لے جائے

سجائے بیٹھے ہیں ہم تو دکاں چراغوں کی

یہیں کہیں پہ محبت کا ہے پڑاؤ میاں

سنائی دینے لگی ہے اذاں چراغوں کی

سحر سے کہیے کہ ٹھہرے اور انتظار کرے

میں سن رہا ہوں ابھی داستاں چراغوں کی

jo sun sako to suno tum fughan charaghon ki

lawen chura li gai hain yahan charaghon ki

main khal-o-khad ke bikharne se bachna chahta hun

so mujh ko chahiye kuchh din aman charaghon ki

jise bhi chahiye wo ae raushni le jae

sajae baithe hain ham to dukan charaghon ki

yahin kahin pe mohabbat ka hai parao miyan

sunai dene lagi hai azan charaghon ki

sahar se kahiye ke thahre aur intizar kare

main sun raha hun abhi dastan charaghon ki