Arooz is now on the App Store, for iPhone and iPad. Download →

All poetry

ہم ہیں بس اتنے ہی ساحل آشنا

Ummeed Fazli (1923–2005)

ہم ہیں بس اتنے ہی ساحل آشنا

خاک منزل جتنی منزل آشنا

تجھ سے چھٹتے ہی یہ عالم ہے کہ اب

دل کی دھڑکن بھی نہیں دل آشنا

شمع بے پروانہ جلوہ بے نگر

کیا ہوئے آخر وہ محفل آشنا

آہ یہ طوفاں بہ کف ابر و ہوا

آہ وہ یاران ساحل آشنا

وقت وہ صحرا کہ جس کی گرد میں

گم ہوئے جاتے ہیں منزل آشنا

اس کی قربت پر نہ اتراؤ امیرؔ

موج کب ہوتی ہے ساحل آشنا