خواب آنکھوں میں سجائے رکھنا

خواب آنکھوں میں سجائے رکھنا

عزم کے دیپ جلائے رکھنا

داؤ چل جائے نہ شب زادوں کا

لو چراغوں کی بڑھائے رکھنا

مہرباں ماں کی طرح ہے یہ زمیں

سر یہاں اپنا جھکائے رکھنا

چاند اترے نہ زمیں پہ جب تک

آسماں سر پہ اٹھائے رکھنا

زندہ رہنا ہے تو یاران عزیز

ہاتھ سے ہاتھ ملائے رکھنا

جس نے یہ روپ دیا ہے امیدؔ

وہ زمیں دل میں بسائے رکھنا

khwab ankhon mein sajae rakhna

azm ke dip jalae rakhna

dao chal jae na shab zadon ka

lo charaghon ki barhae rakhna

mehrban man ki tarah hai ye zamin

sar yahan apna jhukae rakhna

chand utre na zamin pe jab tak

asman sar pe uthae rakhna

zinda rahna hai to yaran-e-aziz

hath se hath milae rakhna

jis ne ye rup diya hai ummid

wo zamin dil mein basae rakhna