مٹی کی صراحی ہے

مٹی کی صراحی ہے

پانی کی گواہی ہے

عشاق نہیں ہم لوگ

پر رنگ تو کاہی ہے

ہر غنچۂ لب درباں

ہر شاخ سپاہی ہے

سبزے پہ کھنچا نقشہ

اور سرخ سیاہی ہے

اک سانولی پت جھڑ کے

پشتے پہ تباہی ہے

ادھڑی ہوئی قبروں پر

کتبوں کی مناہی ہے

اے کانچ کی سی پنڈلی

یہ شہر سبا ہی ہے

mitti ki surahi hai

pani ki gawahi hai

ushshaq nahin ham log

par rang to kahi hai

har ghuncha-e-lab darban

har shakh-e-sipahi hai

sabze pe khincha naqsha

aur surkh siyahi hai

ik sanwli pat jhar ke

pushte pe tabahi hai

udhri hui qabron par

katbon ki manahi hai

ai kanch ki si pindli

ye shahr-e-saba hi hai