پھول وہ دے کر مجھے کانٹوں کا گلشن دے گیا

پھول وہ دے کر مجھے کانٹوں کا گلشن دے گیا

ایک لمحے کا سکوں صدیوں کی الجھن دے گیا

کم نگاہی تھی مری یا سادہ لوحی کیا کہوں

لے کے وہ سونا مرا پیتل کے کنگن دے گیا

وہ کوئی منصف نہ تھا جو دے کے میرا گھر تمہیں

صدیوں صدیوں کے لئے آپس کی ان بن دے گیا

سازشوں کی زد میں ہے شیخ حرم کی زندگی

یہ خبر چپکے سے اک بوڑھا برہمن دے گیا

مستقل رہتا ہے میرے ساتھ سائے کی طرح

ایک مبہم خوف جاں جو میرا دشمن دے گیا

ہم سفر بھی لوٹ لیتا ہے مسافر کو کبھی

یہ سبق مجھ کو عمرؔ خود میرا رہزن دے گیا

phul wo de kar mujhe kanton ka gulshan de gaya

ek lamhe ka sakun sadiyon ki uljhan de gaya

kam nigahi thi miri ya sada lauhi kya kahun

le ke wo sona mira pital ke kangan de gaya

wo koi munsif na tha jo de ke mera ghar tumhen

sadiyon sadiyon ke liye apas ki an ban de gaya

sazishon ki zad mein hai shaikh-e-haram ki zindagi

ye khabar chupke se ik burha barahman de gaya

mustaqil rahta hai mere sath sae ki tarah

ek mubham khauf-e-jan jo mera dushman de gaya

ham safar bhi laut leta hai musafir ko kabhi

ye sabaq mujh ko umr-e-khud mera rahzan de gaya