چلائے تیر ہیں کتنے جواب دیتا جا

چلائے تیر ہیں کتنے جواب دیتا جا

ہمارے زخموں کا کچھ تو حساب دیتا جا

جو آ گیا ہے تو اب دل کی تازگی کے لئے

لہو میں ڈوبے ہوئے کچھ گلاب دیتا جا

مجھے یقین ہے دریا میں ڈھونڈھ ہی لوں گا

تو میری تشنہ لبی کو سراب دیتا جا

نہ دیکھ میرے اذیت نواز لمحوں کو

مرے نصیب کا مجھ کو عذاب دیتا جا

جو تو ہے ساقئ محفل تو رند ہم بھی ہیں

ہمارے حصے کی ہم کو شراب دیتا جا

عمرؔ بتانا ہے نسلوں کو ذلتوں کا سبب

تو اپنی بزم کے چنگ و رباب دیتا جا

chillae tir hain kitne jawab deta ja

hamare zakhmon ka kuchh to hisab deta ja

jo a gaya hai to ab dil ki tazgi ke liye

lahu mein dube hue kuchh gulab deta ja

mujhe yaqin hai dariya mein dhundh hi lunga

tu meri tishna labi ko sarab deta ja

na dekh mere aziyyat nawaz lamhon ko

mire nasib ka mujh ko azab deta ja

jo tu hai saqi-e-mahfil to rind ham bhi hain

hamare hisse ki ham ko sharab deta ja

umar batana hai naslon ko zillaton ka sabab

tu apni bazm ke chang-o-rabab deta ja