اب تو جینے کی کوئی راہ نہیں

اب تو جینے کی کوئی راہ نہیں

اپنے ہی شہر میں پناہ نہیں

جانتے سب ہیں میرے قاتل کو

پھر بھی میرا کوئی گواہ نہیں

ایک وہ ہیں کہ ہر جفا ہے روا

ایک ہم ہیں کہ اذن آہ نہیں

بھائی بھائی کا ہو گیا دشمن

اب کسی سے بھی رسم و راہ نہیں

بند کر دو عدالتوں کی کتاب

اب کوئی شے یہاں گناہ نہیں

بد نصیبی کی انتہا ہے عمرؔ

روشنی ہے مگر نگاہ نہیں

ab to jine ki koi rah nahin

apne hi shahr mein panah nahin

jante sab hain mere qatil ko

phir bhi mera koi gawah nahin

ek wo hain ke har jafa hai rawa

ek ham hain ke izn ah nahin

bhai bhai ka ho gaya dushman

ab kisi se bhi rasm-o-rah nahin

band kar do adalaton ki kitab

ab koi shai yahan gunah nahin

bad nasibi ki intiha hai umar

raushni hai magar nigah nahin