ہاتھوں کو کشکول بنائے بیٹھے ہیں

ہاتھوں کو کشکول بنائے بیٹھے ہیں

بھوکے بچے غول بنائے بیٹھے ہیں

آپ حسیں پیالے سے دھوکہ مت کھانا

وہ زہریلا گھول بنائے بیٹھے ہیں

وہ شعلوں کی بارش کرنے والا ہے

ہم کاغذ کے خول بنائے بیٹھے ہیں

اس کی کوشش بکنے پر مجبور ہوں ہم

ہم خود کو انمول بنائے بیٹھے ہیں

دشمن آخر دستاروں تک آ پہنچا

ہم رشتوں میں جھول بنائے بیٹھے ہیں

hathon ko kashkol banae baithe hain

bhuke bachche ghaul banae baithe hain

ap hasin pyale se dhoka mat khana

wo zahrila ghol banae baithe hain

wo sholon ki barish karne wala hai

ham kaghaz ke khol banae baithe hain

us ki koshish bikne par majbur hun ham

ham khud ko anmol banae baithe hain

dushman akhir dastaron tak a pahuncha

ham rishton mein jhul banae baithe hain