Arooz is now on the App Store, for iPhone and iPad. Download →

All poetry

داستاں عشق کی انجام تک آ پہنچی ہے

Umar Quraishi (1924–2010)

داستاں عشق کی انجام تک آ پہنچی ہے

بات اب حسرت ناکام تک آ پہنچی ہے

جانے کیا حال ہو رندان بلا نوش کا اب

مے کشی درد تہ جام تک آ پہنچی ہے

بات پھیلی ہے ترے ظلم کی شہروں شہروں

داستاں تیری مرے نام تک آ پہنچی ہے

جانے کس راہ سے لایا ہے مجھے ذوق طلب

جستجو گردش ایام تک آ پہنچی

اک نئی صبح کا بھی ذکر ہے آنے والا

گفتگو وقت کی اب شام تک آ پہنچی ہے

شکوۂ تشنہ لبی خیر ہو میخانے کی

بھیڑ اب ساقیٔ گلفام تک آ پہنچی ہے

سوچتے کیا ہو عمر آ کے قریب منزل

بات اب جرأت دو گام تک آ پہنچی ہے