Arooz is now on the App Store, for iPhone and iPad. Download →

All poetry

مانجھی تری کشتی کے طلب گار بہت ہیں

Umar Quraishi (1924–2010)

مانجھی تری کشتی کے طلب گار بہت ہیں

کچھ لوگ ہیں اس پار تو اس پار بہت ہیں

جس شہر میں پتھر کی دکاں کھولی ہے تو نے

اس شہر میں شیشے کے خریدار بہت ہیں

اب تک نہ بنا پائے کوئی تاج محل اور

کہنے کو تو اس شہر میں معمار بہت ہیں

تم شور انا الحق کو دبا ہی نہیں سکتے

یہ جان لو منصور سر دار بہت ہیں

خود اپنے سمجھنے کا نہیں ہے کوئی معیار

اوروں کو سمجھنے کے تو معیار بہت ہیں

کچھ سوچ کے تم شہر کی راہوں سے گزرنا

دو ایک جو اپنے ہیں تو اغیار بہت ہیں

کہنے کو تو بستی ہے یہ شوریدہ سروں کی

کیا پاؤ گے انصاف کی زنجیر ہلا کر

اس شہر میں قاتل کے طرف دار بہت ہیں

حالات سبھی ایک حوادث بھی سبھی ایک

خبریں بھی سبھی ایک ہیں اخبار بہت ہیں

میں جا کے عمرؔ اپنی غزل کس کو سناؤں

اس شہر سخنداں میں تو فن کار بہت ہیں