وحشت کے سوا کچھ نہ ملا در بدری سے

وحشت کے سوا کچھ نہ ملا در بدری سے

باز آئے محبت کی ہم آشفتہ سری سے

اوروں کی طرح مجھ کو نہ دیوانہ پکارو

تم تو ہو خبردار مری بے خبری سے

غالب ہے زمانے میں اجالے پہ سیاہی

ہر سمت اندھیرا ہے تری جلوہ گری سے

ممکن ہو تو کر لیجئے وحشت کا مداوا

دامن کہیں بچ پائے گا اس بخیہ گری سے

ہم ہی نہیں تھا سارا زمانہ ترا لیکن

کچھ بھی نہ ملا تجھ کو تری کم نظری سے

ان آنکھوں کو تو نے بھی کہا نرگس بیمار

باز آئے عمرؔ ہم تو تری دیدہ وری سے

wahshat ke siwa kuchh na mila dar badri se

baz ae mohabbat ki ham ashufta siri se

auron ki tarah mujh ko na diwana pukaro

tum to ho khabardar miri be khabari se

ghalib hai zamane mein ujale pe siyahi

har samt andhera hai tiri jalwa giri se

mumkin ho to kar lijiye wahshat ka mudawa

daman kahin bach paega is bakhiya giri se

ham hi nahin tha sara zamana tira lekin

kuchh bhi na mila tujh ko tiri kam nazari se

in ankhon ko tu ne bhi kaha nargis-e-bimar

baz ae umar ham to tiri dida wari se