پیکر لالہ و گل ہے اسے پتھر نہ کہو

پیکر لالہ و گل ہے اسے پتھر نہ کہو

وہ ہے محبوب مرا اس کو ستم گر نہ کہو

یہ تو سچ ہے کہ خدا نے ہے دیا صبر مجھے

پھر بھی ایوب نہیں مجھ کو پیمبر نہ کہو

اپنی تخلیق کو بیچا نہیں کرتے فن کار

بت فروشوں کو کبھی بھول کے آذر نہ کہو

منتشر صدیوں سے ہیں تار گریباں کی طرح

ہم ہیں اوراق پریشاں ہمیں دفتر نہ کہو

دوستو کچھ تو کہو تاکہ میں خود کو جانوں

مجھ کو بد تر ہی کہو گر مجھے بہتر نہ کہو

وہ تو پاگل ہے جسے کہتے ہیں سب لوگ عمرؔ

ایسے دیوانے کو دانا و قلندر نہ کہو

paikar-e-lala-o-gul hai use patthar na kaho

wo hai mahbub mira us ko sitam gar na kaho

ye to sach hai ke khuda ne hai diya sabr mujhe

phir bhi ayyub nahin mujh ko payambar na kaho

apni takhliq ko becha nahin karte fan kar

but faroshon ko kabhi bhul ke azar na kaho

muntashir sadiyon se hain tar-e-gareban ki tarah

ham hain auraq-e-pareshan hamen daftar na kaho

dosto kuchh to kaho take mein khud ko janun

mujh ko bad tar hi kaho gar mujhe behtar na kaho

wo to pagal hai jise kahte hain sab log umar

aise diwane ko dana-o-qalandar na kaho