جذبۂ شوق کا اظہار کروں یا نہ کروں

جذبۂ شوق کا اظہار کروں یا نہ کروں

دل کو رسوا سر بازار کروں یا نہ کروں

درد خود بڑھ کے ہوا جاتا ہے درماں دل کا

اب علاج دل بیمار کروں یا نہ کروں

قیس و منصور کی تقلید سے دم گھٹتا ہے

اہتمام رسن و دار کروں یا نہ کروں

جس کو خودداریٔ جذبات کا احساس نہ ہو

نذر اس کو دل خوددار کروں یا نہ کروں

اس کی رسوائی کا باعث نہ ہوں میری غزلیں

نذر احباب یہ شہکار کروں یا نہ کروں

لے نہ انگڑائی کہیں گردش ایام عمرؔ

حسن خوابیدہ کو بیدار کروں یا نہ کروں

jazba-e-shauq ka izhar karun ya na karun

dil ko ruswa sar-e-bazar karun ya na karun

dard khud barh ke hua jata hai darman dil ka

ab ilaj-e-dil-e-bimar karun ya na karun

qais-o-mansur ki taqlid se dam ghatta hai

ehtimam-e-rasan-o-dar karun ya na karun

jis ko khuddari-e-jazbat ka ehsas na ho

nazr us ko dil-e-khuddar karun ya na karun

us ki ruswai ka bais na hun meri ghazlen

nazr-e-ahbab ye shahkar karun ya na karun

le na angrai kahin gardish-e-ayyam umr

husn-e-khwabida ko bedar karun ya na karun