الفاظ بک رہے تھے خریدے نہیں گئے

الفاظ بک رہے تھے خریدے نہیں گئے

اسکول ہم غریبوں کے بچے نہیں گئے

تو خود ضرورتوں کے اندھیرے میں کھو گیا

تجھ کو تلاش کرنے اندھیرے نہیں گئے

صیاد کے قفس میں انہیں بھوک لے گئی

پنچھی خوشی سے جال میں پھنسنے نہیں گئے

جگنو ہیں تیرگی میں چمکتے رہے ہیں ہم

سورج کی روشنی میں چمکنے نہیں گئے

ہم کو سمندروں کا نگہباں بنا دیا

ہونٹوں سے تھے جو پیاس کے رشتے نہیں گئے

alfaz bik rahe the kharide nahin gae

iskul ham gharibon ke bachche nahin gae

tu khud zaruraton ke andhere mein kho gaya

tujh ko talash karne andhere nahin gae

sayyad ke qafas mein unhen bhuk le gai

panchhi khushi se jal mein phansne nahin gae

jugnu hain tirgi mein chamakte rahe hain ham

suraj ki raushni mein chamakne nahin gae

ham ko samundaron ka nigahban bana diya

honton se the jo pyas ke rishte nahin gae