تمام شہر تو بے مہر نیند سو رہا تھا

تمام شہر تو بے مہر نیند سو رہا تھا

مگر میں آنکھوں میں نوک قلم چبھو رہا تھا

میں جانتا تھا مرے اشک مرنے والے ہیں

میں جانتا تھا کہ جو میرے ساتھ ہو رہا تھا

مجھے خبر نہیں کب آنسوؤں کو ہوش آیا

خبر ہوئی تو میں زار و قطار رو رہا تھا

کچھ اس لیے بھی خدا کی مجھے ضرورت تھی

میں اپنے کھیت میں گندم کے بیج بو رہا تھا

خیال آیا مجھے جب خدا بدلنے کا

میں اپنے اشکوں سے حرف دعا بھگو رہا تھا

مجھے جگا دیا جب فجر کے موذن نے

درون خواب میں مسجد کا صحن دھو رہا تھا

سمجھ رہا تھا جسے میں بھی نوح کی کشتی

اسی کا ناخدا لوگوں کو اب ڈبو رہا تھا

تھا با نصیب بھی اور بد نصیب بھی واصفؔ

جو پا رہا تھا کسی کو کسی کو کھو رہا تھا

tamam shahr to be mehr nind so raha tha

magar main ankhon mein nok-e-qalam chubho raha tha

main janta tha mire ashk marne wale hain

main janta tha ke jo mere sath ho raha tha

mujhe khabar nahin kab ansuon ko hosh aya

khabar hui to main zar-o-qatar ro raha tha

kuchh is liye bhi khuda ki mujhe zarurat thi

main apne khet mein gandum ke bij bu raha tha

khayal aya mujhe jab khuda badalne ka

main apne ashkon se harf-e-dua bhigo raha tha

mujhe jaga diya jab fajr ke muazzin ne

darun-e-khwab mein masjid ka sehn dho raha tha

samajh raha tha jise main bhi nuh ki kashti

usi ka nakhuda logon ko ab dubo raha tha

tha ba nasib bhi aur bad nasib bhi wasaf

jo pa raha tha kisi ko kisi ko kho raha tha