بھول جاؤ گے تم اگر مجھ کو

بھول جاؤ گے تم اگر مجھ کو

کون دے گا مری خبر مجھ کو

مرتبہ چاہتا ہوں کچھ میں بھی

اے محبت تباہ کر مجھ کو

جو مجھے ایک دن میں بھول گیا

یاد آئے گا عمر بھر مجھ کو

اے شب غم کوئی تو آہٹ کر

کاٹ کھائے گا میرا گھر مجھ کو

میں ترے دل کا ایک حصہ ہوں

اپنے اندر تلاش کر مجھ کو

bhul jaoge tum agar mujh ko

kaun dega miri khabar mujh ko

martaba chahta hun kuchh main bhi

ai mohabbat tabah kar mujh ko

jo mujhe ek din mein bhul gaya

yad aega umr bhar mujh ko

ai shab-e-gham koi to ahat kar

kat khaega mera ghar mujh ko

main tire dil ka ek hissa hun

apne andar talash kar mujh ko