ظہر عاشقی سے ڈرتا ہوں

ظہر عاشقی سے ڈرتا ہوں

حسن کی برہمی سے ڈرتا ہوں

میں نے ڈالی کمند سورج پر

پھر بھی میں روشنی سے ڈرتا ہوں

آ بسا ہوں گلی میں چیخوں کی

اس لیے خامشی سے ڈرتا ہوں

مسخ پہچان ہو نہ جائے کہیں

بے عمل زندگی سے ڈرتا ہوں

کچھ صفائی میں اپنی کہنا ہے

پر تری منصفی سے ڈرتا ہوں

خار کو خار گل کو گل کہہ دوں

میں کہاں کب کسی سے ڈرتا ہوں

اپنی تنہائی خوب ہے محسنؔ

بزم کی بے رخی سے ڈرتا ہوں

zohr-e-ashiqi se darta hun

husn ki barhami se darta hun

main ne dali kamand suraj par

phir bhi main raushni se darta hun

a basa hun gali mein chikhon ki

is liye khamushi se darta hun

maskh pahchan ho na jae kahin

be amal zindagi se darta hun

kuchh safai main apni kahna hai

par tiri munsifi se darta hun

khar ko khar-e-gul ko gul kah dun

main kahan kab kisi se darta hun

apni tanhai khub hai mohsin

bazm ki be rukhi se darta hun